Եվրամիության Արեւելյան գործընկերության Քաղաքացիական հասարակության ֆորումի ղեկավար կոմիտեն իր ափսոսանքն է հայտնում 2016-ի հուլիսի 29-ի լույս 30-ի գիշերը Երևանում անցկացվող բողոքի ցույցերի ֆոնին Արևելյան գործընկերության քաղաքացիական հասարակության ֆորումի ղեկավար կոմիտեի անդամ Հովսեփ Խուրշուդյանի ձերբակալության կապակցությամբ: Իշխանությունները պետք է ետ կանչեն պարոն Խուրշուդյանի և այլ ցուցարարների հանդեպ առաջ քաշված Քրեական օրենսգրքի 225-րդ հոդվածով բռնությամբ զուգորդվող զանգվածային անկարգություններ կազմակերպելու մեղադրանքը: Ղեկավար կոմիտեն պահանջում է անհապաղ ազատ արձակել իրենց գործընկերոջը, ինչպես նաև բոլոր նրանց, ովքեր վերջին օրերին ձերբակալվել են ոստիկանության կողմից:
Հայաստանի քաղաքացիներն իրավունք ունեն արտահայտել իրենց տեսակետներտ եւ պաշտպանել դրանք, մինչ ցուցարարների վրա ոստիկանության հետագա հարձակումները ավելի մեծ արյունահեղության վտանգ են պարունակում: Սա նվազեցնում է իշխողների և կառավարվողների միջև երկխոսության զարգացման հնարավորությունները, ինչը ներկայիս իրավիճակի կարգավորման միակ միջոցն է:
Քաղաքացիական հագուստով ոստիկանների կողմից դաժան հարձակումները լրատվամիջոցների ներկայացուցիչների դեմ, ովքեր իրենց մասնագիտական պարտականությունն էին կատարում վերջին ցույցերի ժամանակ, նույնպես պետք է դատապարտվեն որպես լրատվության ազատության սկզբունքի խախտում:
Ղեկավար կոմիտեն գնահատում է այն փաստը, որ Քաղաքացիական հասարակության ֆորումի մեկ այլ անդամ՝ Լեւոն Բարսեղյանը, իշխանությունների կողմից արդեն ազատ է արձակվել, ինչը հուշում է, որ այս ներկա լարված իրավիճակի խաղաղ ավարտը հնարավոր է։
ԱլԳ ՔՀՖ-ն նաև գիտակցում է Հայաստանի մարդու իրավունքների պաշտպանի՝ օմբուդսմենի ջանքերը, որը փաստագրում է մարդու իրավունքների ներկա խախտումները և այն փաստը, որ Գլխավոր դատախազությունը հետաքննություն է սկսել պաշտոնյաների կողմից ԶԼՄ-ների ներկայացուցիչների և այլոց նկատմամբ հնարավոր չարագործությունների վերաբերյալ:
Արևելյան գործընկերության քաղաքացիական հասարակության ֆորումի ղեկավար հանձնաժողովի անդամներ
ԱլԳ ՔՀՖ Ղեկավար կոմիտեի հայտարարությունը (անգլերեն)
ԱլԳ ՔՀՖ Հայաստանի ազգային պլատֆորմի հայտարարությունը
